Na Mwandishi Wetu,Mtwara
Katibu Mkuu wa Umoja wa Vijana wa Chama Cha Mapinduzi (UVCCM) Shaka Hamdu Shaka amesema Waziri Mkuu mstaafu Fredrick Sumaye uamuzi wake wa kusaidia kumfanyia kampeni mgombea urais kwa tiketi ya Chadema Waziri Mkuu aliyejiuzulu kwa kashfa ya Richmond Edward Lowassa ni sawa na pwagu kumfanyia kampeni pwaguzi.
Shaka alitoa matamshi hayo jana katika mkutano wa hadhara wa uzinduzi wa kampeni za ubunge na madiwani jimbo la Mtawara vijijini wakati akimdani mgombea wa jimbo hilo kupitia CCM Hawa Abdulrahaman Ghasia uloiofanyika katika kijiji cha Mo Pacha Nne Mkoani hapa.
Alisema ni kituko kwa viongozi hao ambao waliwahi kukabidhiwa dhamana za uongozi wa juu na serikali ya CCM na kushindwa kuleta ufanisi na matokeo chanya na sasa wakiwa Chadema waghilibu wananchi wakidai wana ubavu wa kuleta mabadiliko na maendeleo.
“Sumaye anapomfanyia kampeni Lowassa awe Rais ni sawa na pwagu kumfanyia kampeni pwaguzi, hawajui wafanyalo , hawatambui kama majina yao hayaheshimiki mbele ya jamii ,walipewa nafasi za juu wakashindwa kuisukuma nchi kimaendeleo na sasa wanachokifanya ni upekepeke na utapitapi ” Alisema Shaka huku akishangiliwa.
Alisema Sumaye akiwa Waziri Mkuu wa Serikali chini ya Rais Benjamni Mkapa usimamizi wake alizisibabishia halmashauri nyingi za wilaya nchini kupata hati chafu kwa mujibu wa ripoti za mkaguzi na mdhibiti mkuu wa hesabu za serikali.
Aidha shaka alifichua siri ya jina la Lowassa kukatwa na vikao vya CCM katika mbio za urais huku akisema halikuwa jambo la bahati mbaya ila uamuzi huo ulifanyika kwa lengo la kukipa hadhi na heshima Chama Cha Mapinduzi mbele ya wananchi na jamii ya kimataifa.
“CCM ni chama kinachoheshimika kitaifa, kikanda na kimataifa, hakiwezi kusimamisha mgombea anayetiliwa shaka ,anayetazamwa kwa jicho la hofu ndani ya nje ya mipaka yetu, tuliamua, tulikusudia, tukalikata jina lake si kwa bahati mbaya bali tulikusudia” Alisisitiza Shaka.
AlisisitizaTanzania haiwezi kupata alama ya Rais ila inahitaji Rais mwenye viwango, anayeheshimu miiko ya uongozi , mwenye kuzingataia maadili na aliyeshiba uzalendo ambaye akishiakuwa na utayari wa kulitumikia Taifa na watu wake kwa uadilifu na utii.
Katibu Mkuu huyo wa UVCCM alisema CCM ilijua Lowassa akitemwa hatabaki ila atakwenda upinzani ili kukamilisha kwa lengo la kuusambaratisha , kuumaliza ,kuudhofisha na kuuzika usiwepo kama inavyotokea sasa .
Alisema kuhamia Chadema kumezuia tafran kati ya Mwenyekiti Freeman Mbowe na Katibu Mkuu Dk Wilbroad Slaa, mwanzo wa kuhasimiana kwa Profesa Lipumba na Maalim Seif Sharif Hamad huku Mwenyekiti wa NCCR -Mageuzi James Mbatia akitu na Katibu Mkuu wake Mosena Nyambabe.
“Hesabu zetu zimetoa majibu chanya, mwaka huu ndiyo mwanzo na mwisho wa kelele za upinzani uchwara, tumewatupia makapi wakafikiri wamepata malighafi, hii ndiyo CCM aliotokana na TANU na ASP”Alijigamba Shaka
Shaka aliwataka wananchi wa jimbo la Mtwara vijijini kumchagua Hawa Ghasia awe mbunge wao kutokana na uwezo mkubwa aliouyesha alipopewa dhamana ya kusimamia Tawala za mikao na Serikali za Mitaa (TAMISEMI) huku akikomesha vitendo vya wizi ,ufujaji wa fedha za umma pia Halmashaugi zikipata hati safi.
“Huyu ni mwananmke wa shoka, hodari na makini, msikubali kupoteza hazina inayotegemewa na Taifa, mpeni kura ni muaminifu, muadilifu anayependa ushirikiano, habagui wala hachagui ”Alisisitiza Shaka.
Akimnadi mgombea urais wa CCM Dk John Magufuli , Shaka alisema ni kiongozi wa dhamira, mchapaka kazi , msimamiaji wa sera, malengo na mipango endelevu hivyo anastahili kumrithi Rais Jakaya Kikwete na kuwa Rais wa awamu ya tano ifikapo oktoba 25 mwaka huu akisema watanzania hawatajuta uamuzi wa kumpa dhamana hiyo.
0 Maoni